Собрание на Република Северна Македонија

Типови на организирани посети

Индивидуални посети

Собранието на Република Северна Македонија нуди можност за индивидуални посети за сите заинтересирани граѓани. Доколку сте заинтересирани за организирана обиколка на зградата на Собранието ве молиме да ја пополните пријавата (апликацијата) и да се информирате за слободните места и термини. Индивидуалните посети се спроведуваат од страна на обучени водичи и се бесплатни. Ве очекуваме.

Дознај повеќе

Групни посети

Доколку сте група на граѓани заинтересирана за организирана обиколка на зградата на законодавниот дом, Собранието на Република Северна Македонија нуди можност за групни посети.
За да се пријавите, Ве молиме да ја пополните пријавата (апликацијата) и да се информирате за слободните места и термини. Максималниот број на посетители од една група изнесува 40. Групните посети се спроведуваат од страна на обучени водичи и се бесплатни. Ве очекуваме.

Дознај повеќе

Посета од организации

Собранието на Република Северна Македонија нуди можност за групни посети од страна на образовни институции, НВО, институции и сл. Доколку Вашето училиште, факултет или организација е заинтересирана за организирана обиколка на зградата на Собранието ве молиме да ја пополните потребната пријава (апликација) и да се информирате за слободните места и термини. Максималниот број на посетители изнесува 40. Посетите на Собранието се спроведуваат од страна на обучени водичи и се бесплатни. Ве очекуваме.

Дознај повеќе

Правила

Собранието организира Отворен ден секој последен петок во месецот, од 10:00 до 16:00 часот, наменет за сите граѓани што сакаат да ја разгледаат зградата на Собранието како историско обележје на македонската државност и место каде што работат пратениците.

Отворен ден на Собранието се организира, по правило секој последен петок во месецот.

Доколку сакате да остварите посета на Собранието, потребно е да се пријавите најдоцна пет дена пред датумот на одржување на Отворениот ден, преку користење на електронската пријава подолу.

Во пријавата, внесете ги Вашите податоци: име и презиме, број на лична карта (за полнолетни лица), адреса на живеење, електронска пошта и телефонски број, како и назив на училиштето, факултетот и слично, доколку доаѓате како организација.

Странските државјани кои сакаат да остварат посета на Собранието потребно е да достават: име и презиме, адреса на живеење и број на пасош, најдоцна три недели, пред датумот на одржување на Отворениот ден на Собранието.


Времетраење на една посета изнесува 60 минути.

Бројот на лица во една група може да изнесува најмногу до 40 посетители, во придружба на еден или двајца наставници, доколку станува збор за образовна институција.

Пријавените посетители се должни да бидат пред влезот на зградата на Собранието најдоцна 10 минути пред почетокот на терминот за кој се пријавени и со себе задолжително да носат важечки документ за идентификација.

Вработените од обезбедувањето имаат обврска при влезот да ги проверат посетителите и личните работи што ги носат со себе. Сите лични предмети (ранци, јакни, чадори и слично) посетителите ги оставаат во гардероберот пред почетокот на обиколката.

Собранието на Република Северна Македонија го задржува правото да го промени терминот или да ја откаже посетата.

КОГА СТЕ ВО ЗГРАДАТА НА СОБРАНИЕТО НА РЕПУБЛИКА СЕВЕРНА МАКЕДОНИЈА

  • Почитувајте го редот и мирот во зградата на Собранието, не заостанувајте и не се одвојувајте од групата;
  • Не е дозволено самоиницијативно напуштање на турата од страна на учесниците, освен во случаи на голема итност;;
  • Следете ги инструкциите на водичот и на вработените од обезбедувањето;;
  • Не го оштетувајте имотот и инвентарот во зградата;
  • Можете да фотографирате, но не и да вршите видео снимање во внатрешноста на зградата;
  • Исклучете го звукот на мобилните телефони додека трае обиколката;
  • Обратете внимание на облеката која ја носите (несоодветна облека вклучува: спортска опрема, куси панталони, мини-здолништа, блузи со длабоко деколте или без ракави, влечки и слични обувки);
  • Забрането е внесување на храна и пијалоци;
  • Пушењето на цигари во зградата е забрането согласно законските прописи.

Непочитувањето на некое од правилата ќе доведе до отстранување на учесникот од зградата на Собранието.


Корисни информации

Зградата на Собранието на Република Северна Македонија се наоѓа во центарот на Скопје, на следната адреса: булевар 11 Октомври, број 10.

Овозможен e пристап за лица со посебни способности со помош на монтирана подвижна платформа.

До зградата на Собранието може да се стигне со автобусите број: 3, 3а, 4, 4а, 5, 7, 7б, 16, 21, 21а, 22, 24, 33 и 41.

Распоред на настани

Месечен распоред

Нема закажани термини за посета.

Податоците се обработуваат!
Ве молиме почекајте!